مرض الحزن

صحيح ممكن حاجات كتير تحزنا في الدنيا

حالة البلد

صعوبة العيشة

الخوف من بكرة

خناقة تقليدية مع الأهل عشان عروسة مثلا

حب مش عارف توصله

أو حب مش عارف تتخلص منه

أو موضوع جواز واقف عشان مشكلة معينة

موت حد عزيز عليك

إحساسك انك محدش حاسس بيك وتأمر الكون على إتعاسك !!!

سعات بييجى لأى حد طبعا

وغيرها .....

كلها اسباب يراها البعض كافية للحزن

على الجانب الاخر

وجود حد بيحبك في الكون مش حاجة تسعد (اعتقد مفيش حد محدش بيحبه)

انك صحتك كويسة ومش مريض بمرض يقعدك مش حاجة تطير من السعادة ؟

انك مهما خسرت لسه عايش وبقوتك وقادر تبني تاني مش حاجة تسعد ؟

ان ليك رب معاك ومش بيسيبك مش حاجة تخليك ما تحزنش ابدا

ان فى حد معاك انت بتتعلم منة كل يوم حاجة جديدة وتنفعك وفى علاقة بينكم مالهاش علاقة بالمصالح مش حاجة تسعد ؟

ابتسم اوي واحمد ربك ، هيديك اكتر ما انت عايز

وفى الأخر تفاءلوا بالخير تجدوه كان دايما يقلهالى حد قريب منى الآن وبحبو فى الله بجد يعتبر مطلع على اسرارى

المرأة و الجنة

يعتقد كثيرا من الرجال "وانا منهم " ان سبب خروج ادم من الجنة هي وسوسة الشيطان ووسوسة حواء له بأكل الثمرة
وكثير من الرجال يعايرون النساء بهذه الواقعة طبعا اللى مش فاهم منهم
وكأنهن سبب شقاء الرجال في الدنيا

ولكني حقا تيقنت ان كان هذا قد حصل فلأن المرأة كانت متأكدة أن الرجل سيجد الجنة بين زراعيها وهي حبيبته

ويجدها عندما تحتضنه وهي ابنته

ويجدها تحد قدميها وهي امه .

فالمرأة لم تسلب من الرجل الجنة بل كانت له الجنة في الدنيا حتى يدخل جنة ربة يوم الدين .

المرأة هي سر سعادة الرجل إذا وجدها جنته وسر شقاؤه إذا لم يجدها كذلك.

باختصار المرأة هي جنة الرجل في الأرض اذا رآها كما خلقها له الله .

إذا أردت أن تكون زوجتك مثل خديجة .. فكن أنت مثل محمد عليه الصلاة والسلام